स्वातंत्र्य पूर्व काळात तेली समाजातील मुंबई वासीय एकत्र येऊन समाजाचे संत शिरोमणी संत तुकाराम महाराजांचे शिष्य श्री.संताजी जगनाडे महाराज यांची पुण्यतिथी मार्गशीर्ष कृ.१३ दि.१७ डिसेंबर १९२८ पासून मुंबईतील विविध भागात समाज संघटीत करण्याच्या दृष्टीने साजरी केली जात असे. त्यातूनच १९४९ साली तेली सेवा समाज,मुंबई या संस्थेची स्थापना झाली. समाजातील आपआपसातील मतभेद विसरून स्नेह वाढविणे,समाज संघटीत करून समाजातील शैक्षणिक,सांस्कृतिक,सामाजिक स्तर उंचावणे व आर्थिक विकास करण्याच्या उद्देशाने समाजातील विविध स्तरावरील मान्यवर एकत्र येऊन कामकाजाला सुरुवात झाली.समाजातील विदयार्थांचा, गुणवंताचा, उच्च शिक्षितांचा सत्कार करून त्यांचे कौतुक केले जाऊ लागले. तसेच तेली समाजातील महाराष्ट्रातील मान्यवर आमदार,मंत्री यांचा देखील सत्कार केला जाऊ लागला. त्याच काळात सहकाराचे वारे देशात वाहत होते. आपल्या या मुंबई शहरात आपल्या समाज बांधवांसाठी एखादी सहकारी पतसंस्था असावी, असे कार्यकर्त्यांना अनेक वर्ष वाटत होते. राज्यात सहकाराचे पर्व मोठया प्रमाणात सुरु असताना आपणही आपल्या समाजाच्या उत्कर्षासाठी उपयोग करून घेण्याचे त्या वेळेच्या कार्यकत्यांनी ठरवले.

सहकार चळवळीच्या स्तुत्य कार्यामधून प्रेरणा घेऊन,कार्यकर्त्यांमध्ये नवीन दृष्टी, नि:स्वार्थ उत्स्फूर्तपणे कार्यकत्यांच्या मनात समाज बांधवांची आर्थिक गरज दूर करण्याचा जिव्हाळ्याचा प्रश्न हाताळण्यासाठी तेली सेवा समाज संस्थेच्या कार्यालयात १ जानेवारी १९६६ रोजी एकत्र येऊन श्री विश्वेश्वर सहकारी पतपेढी मर्यादित, मुंबईची मुहूर्तमेढ रोवली. २६ जानेवारी १९६६ रोजी १५५ भागधारकांचे ३०५२/- रुपये जमा करून संस्था नोंदणीसाठी अर्ज केला.समाजातील मान्यवर कार्यकर्ते नाना सखाराम कुणकेश्वर (चव्हाण) यांचे अध्यक्षते खाली रामनवमीच्या शुभदिवशी दिनांक ३१ मार्च १९६६ रोजी महाराष्ट्र हायस्कूल,ना.म.जोशी मार्ग,मुंबई ४०००१३.येथे सह-निबंधकांच्या उपस्थितीत सभा झाली. या सभेत अध्यक्ष सर्व श्री.नामदेव कांदळगावकर,मुकुंद सखाराम कामतेकर (उपाध्यक्ष), दत्ताराम रामचंद्र राणे(सह चिटणीस) व वसंत सीताराम कुरळकर(सह चिटणीस), सदस्य- यशवंत हरी आडिवरेकर, धोंडू अर्जुन तळावडेकर,अर्जुन भागोजी मटकर,यशवंत शंकर पावसकर,शांताराम गोविंद किंजवडेकर, रघुनाथ गोविंद राणे, यशवंत हरी आडिवरेकर यांची एप्रिल १९६६ पासून अधिनियमानुसार पद्धतशीर संचालक म्हणून निवड झाली.

तेव्हापासून आजपर्यंत गेली ५२ वर्षे संस्थेचे कामकाज तेली सेवा समाज मुंबईच्या माध्यमातून सुरु आहे. त्याकाळी संस्थेच्या महत्वपूर्ण वाटचालीत सौ.जयश्री नामदेव कांदळगावकर सर्व श्री अनंत बापू दाभोळकर, आत्माराम शंकर डिचोलकर, गंगाराम घारू रसाळ,पांडुरंग महादेव रहाटे, मधुकर गणपत तळावडेकर, केशव गोविंद होळकर, महादेव विष्णू कोंडुरकर, वसंत नाना कुणकेश्वर (चव्हाण), सदाशिव सीताराम कुरळकर, दत्ताराम वाडेकर आदि मान्यवरांनी प्रचंड मेहनत घेऊन संस्थेची सुरुवातीची जोपासना केली निकोप वाढ करण्याचा प्रामाणिक प्रयत्न केला.सन १९७८—७९ दरम्यान पतपेढीचे कार्यालय खोली नं.३६,खिमजी नागजी चाळ नं.६,सेनापती बापट मार्ग,लोअर परेल,मुंबई ४०००१३ येथून तेली सेवा समाज,मुंबई व्दारा/ श्री विश्वेश्वर सहकारी पतपेढी मर्यादित, मुंबई शंकरराव नराम पथ, लोअर परेल, मुंबई ४०००१३ येथे स्थलांतरित झाले. तेव्हापासून संस्थेच्या उत्तरोत्तर विकास होत गेला.संस्थेची पहिली शाखा जोगेश्वरी येथे श्री.चंद्रकांत नारायण साटविलकर यांच्या अध्यक्षतेच्या कारकिर्दीत सुरु झाली.दिनांक १० जानेवारी २०१६ रोजी मालाड शाखा व दिनांक १ जुन २०१६ भांडूप शाखा श्री.दिलीप दशरथ केळंबेकर अध्यक्षतेच्या कारकिर्दीत सुरु झाल्या आहेत. त्यांचा कारभार चांगल्या पद्धतीने सुरु आहे. सध्याचे पतपेढीचे स्वरूप पाहता सर्वांनी हवी हवी अशी वाटणारी आमची पतपेढी झाली असे म्हटले तर वावगे ठरणार नाही.


जर कोणतीही चौकशी करायची असल्यास चौकशी येथे क्लिक करा.
आपल्याकडे बँक तपशील असल्यास कृपया येथे चौकशी करा.